രണ്ട് കൈയും കാലും

-



രണ്ട് കൈയും കാലുമുള്ള
ഏത് കഴുതക്കും ചുമടെടുക്കാം
രണ്ട് കൈയും കാലുമുള്ള
ഏത് കുതിരക്കും ഓടിനടക്കാം
രണ്ട് കൈയും കാലുമുള്ള
ഏത് പന്നിക്കും വൃത്തിയാക്കാം
രണ്ട് കൈയും കാലുമുള്ള
ഏത് പട്ടിക്കും കവലിരിക്കാം
രണ്ട് കൈയും കാലുമുള്ള
ഏത് പോത്തിനും നിലമൊരുക്കാം
പക്ഷെ, ദാഹം മറന്ന് ഓടിനടക്കാൻ
ക്ഷീണം മറന്ന് ചുമടെടുക്കാൻ
മോഹം മറന്ന് നിലമൊരുക്കാൻ
ജീവൻ മറന്ന് കാവലിരിക്കാൻ
രണ്ട് കൈയും കാലുമുള്ള
മനുഷ്യന് മാത്രമേ സാധിക്കൂ
ഓർക്കുക
മനുഷ്യന് മാത്രമേ സാധിക്കൂ.

Comments

Post a Comment

Popular posts from this blog

ചിതറാത്ത കണ്ണാടികൾ

-
Image
ചീകിമാറ്റിയ മുടിനാരുകൾക്കിടയിൽ തുറന്നെന്റെ കൺമിഴികോണുകൾ. വകച്ചുമാറ്റിയൊരുക്കാനെനിക്കിന്ന് നിലാനേരം പൂത്ത മുല്ലപൂക്കളില്ല.. കൂരിരുട്ടിൽ ചിലച്ച മിന്നൽപിണർപ്പുപോൽ നിറം നരപ്പാകിയ നഷ്ടങ്ങളങ്ങനെ നിരങ്ങി നിൽക്കയാം. ഇരുൾ മൂടി കിടന്നൊരെൻ സ്വപ്നങ്ങൾ വെളിച്ചം കാണാതെയെന്നിൽ പ്രതിഷേധിക്കയാം ഇന്ന്.. നീര് വറ്റി ഉണങ്ങിയ കണ്ണുകൾ എപ്പോഴും വെള്ളെഴുത്തിന്റെ മേന്മ പറയുകയാം.. മങ്ങുമെന്നിലെ സ്വത്വമെന്നപ്പോൽ  മാറ്റം അനുവദിക്കാത്തൊരെൻ സത്യം പോൽ തളർന്നു പോരാടുമീ കണ്ണുകൾ.. ചുളിഞ്ഞ മേനിയാകെയിന്ന് അടുത്ത ഉഷസ്സിൽ അലിഞ്ഞുപ്പോവാം.. ഉണർന്നൊരാ ഉടൽ ഉടയിലൊരിക്കലുമെന്നോതുമീ നേരം .  പൊന്തുമീ സിരകളെല്ലാം എന്നിൽ ആറിതണുക്കാത്ത സ്വപ്നങ്ങൾ ഉണ്ടെന്നെന്നെ ഓർമിപ്പിച്ചു ചൊല്ലി.. ഉടഞ്ഞ നൊമ്പരചാലുകൾ പതിമായങ്ങാറുള്ള രാത്രിതൻ കഥചൊല്ലുകയാം.. ഇനിയെന്നിൽ പൂക്കാൻ ചുവന്ന പൂക്കളൊന്നുമില്ല വിരിഞ്ഞിറങ്ങാൻ വസന്തത്തിൽ ഓർമ്മയുമില്ലായിരിക്കും.. എങ്കിലും പൂക്കാലം  എനിക്കായ് പൂത്തുനിറയുന്നുണ്ടാവാം. ഈ മുഖത്തിലിന്നും ചോർച്ചയില്ലാത്തൊരു ചന്തം ഉണ്ടെന്നറിയാമെനിക്ക്.. ചായപകിട്ടുകളൊന്നുമേ തീണ്ടാത്തൊരു ചെലുണ്ടെനിക്ക്.. തെളിഞ്ഞ കണ്ണ...
Read more

ഇവിടെ തുടങ്ങുന്നു

-
Image
നാടകപരിശീലനം തുടങ്ങിയിരിക്കുമോ എന്ന ഭയത്തോടെയാണ് ഞങ്ങളവിടെ എത്തിയത്..  നേരം ഉച്ചകഴിഞ്ഞിരുന്നു..  വെയിൽ മങ്ങിയിരുന്നു..  ഭാഗ്യം...! ആരും എത്തിയിട്ടില്ല..  നേരത്തെ എത്തിയതിലുള്ള ആശ്വാസമുണ്ടെങ്കിലും അത് പുറത്ത് കാണിക്കാതെ,   വരാനിരിക്കുന്നവരെ പഴി പറഞ്ഞു..  നാടകത്തിന് ആദ്യമായതുകൊണ്ട് തന്നെ ഭയത്തിന്റെ നേരിയ ഉറവ എന്നിൽ ഒഴുകാൻ തുടങ്ങുന്ന പോലെ തോന്നി..  തോന്നലല്ല... സത്യമായിരുന്നു..  സമയം വേഗത്തിൽ ഓടി..  ക്ലോക്കിലെ സൂചികൾ പതിവിലും വേഗത്തിൽ ഓടുന്ന പോലെ തോന്നി..  അവയ്ക്കെന്തിനാണ് ഇത്ര തിടുക്കം  എന്ന് ഞാനാലോചിച്ചു.. ഇരുട്ട് മൂടുന്നതിനനുസരിച്ച് കറുപ്പിന്റെ കാഠിന്യവും,  ഭയത്തിന്റെ ആഴവും മാറിവന്നു.. ഒപ്പം ഹൃദയമിടിപ്പിന്റെ താളവും..  അങ്ങനെ കുറച്ച് നേരം കഴിഞ്ഞപ്പോഴേക്കും അവരെത്തി..  ഒരുപാടുപേരുണ്ടായിരുന്നു.. മോഡേർൺ ആണെന്ന് തോന്നി...! അവരിലൂടെ കണ്ണോടിച്ചശേഷം,   അറിയാതെ ഞാൻ എന്നെ നോക്കി.. അപ്പോൾ എനിക്കെന്തോ..... പിന്നീട് ആലോചിക്കാൻ നിന്നില്ല..   ഞങ്ങൾ സ്റ്റെപ്പിലിരിക്കുകയായിരുന്നു,  പരസ്പരം അറിയാനുള...
Read more

എന്റെ തോന്നലോ

-
Image
എരിയുന്ന ചൂട് വേനലിലും ഒരിളം കാറ്റായി നീ എന്നെ തഴുകിയിരുന്നു പിടയുമെൻ നെഞ്ചിനെരിച്ചിൽ നീ മാത്രം കണ്ടിരുന്നു  നീ മാത്രം ഹൃദയം കണ്ണീരാൽ രക്തം വാർക്കുമ്പോൾ ഇത്തിരി സ്വാന്തനം ഏകിയത്  ജനൽ പഴുതിലൂടെ വന്ന കാറ്റ്  അത് നീയായിരുന്നോ ഇരുളലയുമോ എന്നുള്ളിൽ  ഞാൻ ഭയപ്പെട്ടു എങ്കിലും പ്രതീക്ഷതൻ  തൂവെളിച്ചം നീ എനിക്കേകി നീ ആരായിരുന്നു എനിക്ക് വെയിലിൽ തണലേകിയ  പടുവൃക്ഷമോ അതോ കൈകൾ കുടയാക്കി  മഴനനയാതെ കാത്ത അപരിചിതനോ  ആരെന്നറിയില്ല നീ എൻറെ  തണൽ നീ എൻറെ തണൽ
Read more