ഓട്ടോർഷ പറ്റിക്കും പണി

പണിതീരാത്ത ഈ റോട്ടിൽ

ഓട്ടോർഷ പറ്റിക്കും പണി

പണികഴിഞ്ഞ് പോണ ആൾക്കാർടെ പണി

കുലുക്കികുലുക്കി ഓര്ടെ മുതുകിന്റെ പണി

കൊളം-കര അങ്ങനത്തെ റോഡ്

ഉരലിടി അങ്ങനത്തെ മുഴക്കം

കൂമ്പിനിടി അങ്ങനത്തെ കടച്ചിൽ

കേറിയോര് കേറിയോര്

പണ്ടാരടങ്ങട്ടേന്ന് പ്രാകി -

ആരെ പ്രാകി? -

ഡ്രൈവറെ പ്രാകി

റോഡിനെ പ്രാകി

റോഡ് പണിതീർക്കാത്ത രാജാവിനെ പ്രാകി

ഇരുന്നിട്ടിരുന്നിട്ട് അടപ്പുതെറിച്ച് കടയുന്ന

സ്വന്തം ഇടുപ്പിനെ പ്രാകി

ഏൽക്കണ്ടോർക്കേൽക്കട്ടെ

സത്യമുള്ള പ്രാക്കേ ഫലിക്കൂ,

ഡ്രൈവർ ചിരിക്കാതെചിരിച്ച്

പ്രാക്യോരെക്കെ പ്രാകി.